Steypustöðin eignast Króksverk
Malað á Neðri - Mýrum. Mynd: Fésbókarsíða Króksverks.
Að sögn bræðranna Friðriks og Ásmundar Pálmasona, yfirtók Steypustöðin daglegan rekstur Króksverks sem áfram verður rekið undir sama nafni. „Okkur stóð þetta til boða og við ákváðum að slá til, teljum að það felist ákveðin tækifæri í þessari starfsemi. Einnig teljum við mikilvægt að starfsemin haldist á svæðinu,“ segja þeir bræður en starfssvæði fyrirtækisins spannar allt Norðurland vestra. Með í kaupunum fylgja verksamningar auk þess sem þeir sjá fram á aukin verkefni.
Starfsmenn Króksverk eru sex og hefur þeim öllum verið boðin vinna áfram og bætast í hóp þeirra 15 sem fyrir eru á Steypustöðinni.
Sjá þessa frétt og fleira áhugavert á feykir.is